Monday, January 28, 2008

كرات دم بيضاء

كرات دم بيضاء

كتبتها من حوالي 6 أشهر ..تذكرتها الآن.. من غير ليه!ا

********************************

أحس به .. قنفذ صغير جبان يتسكع داخل دهاليزي التي جاهدت حتى أدخلت فيها الكهرباء ..وأي كهرباء! يطيح القنفذ بمصابيحي الصغيرة الملونة ، لا يأبه لسخونتها..أسمع صوت الزجاج يتناثر داخلي ..زجاج دقيق وغبار أبيض تماما كالذي شاهدته وأنا أجاهد لاصلاح مصباح المطبخ الذي سقط على رأسي ونجوت منه بأعجوبة ..مشكلة هذا الزجاج هو الانتشار السريع ..الالتصاق بكريات دمي البيضاء ..يتناثر في أنحائي ..الدم الأبيض يحاول طرد الزجاج ..مناعتي قوية ..أثق فيها ولا أصدق كلام الطبيب الذي رآني مصابة بنوبة سعال شديدة رغم كل المضادات الحيوية فقال "كل المضادات الحيوية دي وبتكحي ؟ مناعتك ضعيفة !" ..القنفذ الصغير يتكور في مكان ما..محاطا بالزجاج الدقيق الذي انتصرت كرياتي البيضاء في التخلص منه..ارتحت نوعا ما ..فقد ركد ورقد القنفذ وانتصرت لي مناعتي ولو مؤقتا ..نسيت القنفذ ..نسيت الزجاج الملوث ..وبحثت عن مصابيح أطول عمرا وأقل وهجا حتى لا تلفت نظر القنافذ!..ا


كانت أختي الصغرى قد نجت من أزمة الإصابة بفيروس ( إيه) الوبائي ..كل مابقي من ذكراه أوراق التحاليل الخضراء واسم الطبيب المستغل الذي كتبه صاحب المعمل " سعد بك ..." كنت قد انتبهت لكلمة بك المحشورة بين اسمه واسم أبيه..ذهبت لأمي مغتاظة و-مفروسة- "بك يا ماما ؟؟...كان تعليق أمي على ملاحظتي "طبعا بك ..مش بيورد لهم العيانين والفلوس بمناسبة ومن غير ؟" ..لم تمر أيام حتى شعرت بإعياء شديد أخفيت أمره على من في المنزل ..كنت أتأمل عيني فى المرآة ..زحف عليها اللون الأصفر ..بدأت أشعر بأعارض المرض ذاته ..قاومت حتى انهارت مقاومتي .. كان من اللازم التوجه الى طبيب ..خفت أن أقول انه نفس المرض واني درسته منذ أشهر في الاعدادية!..ا

كنت متأكده ..طلبت من أمي الذهاب بكارنيه التأمين الصحي ..رفضت في اول الامر فالرعاية هناك ليست كما ينبغي ..لكني صممت في صوت واهن " معلش نجرب " ..كانت الوحدة الصحية غاية في البؤس والتعفن ..مظلمة ..كل أم تسحب ابنها ومعها الكارنيه.. دخلت حجرة الكشف..غرفة متوسطة بها أربعة أطباء تبدو عليهم أمارات الوقار اجتاحني شلال من الخوف ..كنت أظنه طبيب واحد فقط ! لكن في هذا اليوم بالذات كانوا في زيارة للوحدة مصادفة –قالت أمي بختك من السماء- ..فحصوني جميعا وسبب الاصابة "شرب مياه ملوثة غالبا من المدرسة "! ..بعد سحب الدم للتأكد من التشخيص ..ا

منعوا عني البروتينات واللبن ..فقط اشربي سكريات وستكوني (فل) ..كنت أتطلع لهذا الفل بفارغ الصبر ..أقنع نفسي بأن مناعتي قوية ..كنت عجيبة فعلا لاأطيق مايمت للطعام والشراب بصلة لكني كنت أقوم عند غياب أمي لأصنع مايشبه البرميل من (الليموناده)أشربه مرغمة نفسي على ذلك ! كنت أتقدم مع العلاج ومع اصراري ..كان الالم يناوشني وكنت اناوشه ايضا .. معجزة ..تغلبت عليه في أيام أقل من المتوقع ..لكني كنت لازلت ممنوعة من الجيلاتي واللبن ومن المجهود ..فقط أتقوقع وأفتح المستطرف للأبشيهي ..باب النوادر .. ربما أضحك !ا

أحس به يواصل تحركه ..ينهض من جديد ..مناعتي قوية ..نعم قوية حتى وإن كانت كما يقول الأطباء ..

فليزحف لم تعد عندي مصابيح أخاف عليها أو بمعنى آخر انتزعت جذور القضبان التي تخنق عصافير النور الشفافة ..لن تنشغل كرياتي البيضاء الطيبة بدفع أذى الشظايا الزجاجية عني بعد الآن ..فقط هي وذلك القنفذ السمج المسموم.. الحمد لله ..لازلت أثق في مناعتي.. .ياقوي فوق كل قوي ...استعنت على الشقا بالله !
ا

23 comments:

frake_ghost said...

السلام عليكم
عندما يخطف تركيدزك كاتباً ما من اول سطر
تسمى براعه استهلال
وحينما لا يحررك من أسر كلماته إلا عند أخر رشفه وأخر نقطه فى السطر
فهو عندئد كاتب حاذق
وعندما يجبرك على النظر للمفضله وإلحاقه بها ...
فهو مدون ناجح
اما عن مجاهده خيوط البرد المنسله لتجميد الانامل..وتحريكها كى تسطر إعجباك بنغم الكلمات المعزوفه
فانت حتما ً أمام ساحر محترف ومنوم مغناطيسى متمرس
***
حقا ً عوامل القصه اكتملت مع عنصر التشويق
عجبتنى جدا ً
(اللى بيعجبنى على فكره بعديه من غير نقد)
بس حلو حته المستطرف دى ..إيحاء بالثقافه بقه وبتاع
**الدم الأبيض..لا يحق لك استخدام هذا المجاز عن الكرات البيضاء..فكما هو معروف الدم احمر
المناعه ليست كرات بيضاء فقط
والكرات البيضاء لا تقوى على اخراج الزجاج
**
القنفذ ليه دور مهم فى القصه وكويس الإشاره ليه فى أخر
**
فى جمله مش فاهمها
بتاع جدران القضبان على النور الشفافه دى..يعنى المصباح ده بيمثل نور داخلى
والدهاليز اللى قصدتيه عباره عن دروب روحك..الله أعلم
*بس بجد بسجل إعجابى بيها وبالمدونه ككل
من 6 شهور ..يا الله !!!
تحياتى

لماضة said...

جميلة كعاد كتاباتك يا مروه
شدتينى اكملها وعرفتى تخلينى اتعطف مع مرضك
بس قليلى هنا
ايه الحقد ده يا بت على الداكتره
طيب انا هكتب بقى على اليافته لماضة هانم
:)
تحياى ليكى يامرمر

صاحب المضيفة said...

لا أملك إلا أن أقول


مبدعة

مبدعة

مبدعة

هبة المنصورى said...

مرمر

أولاً أنا قريت الحدوته دى قبل كده وعجبتنى.. مش فاكرة كنت قلتلك وقتها ولا لأ.. الزهايمر رسمى زى مانتى عارفة

ثانياً كنتى على بالى وجبتلك مفاجأه بس عايزه أحرقها.. معلش رخامه! فيلم "ف شقة مصر الجديدة" .. يارب أعرف أنسخه.. ماتعرفينيش أنا دلوقتى.. بقيت خبيرة كمبيوتر.. صحيح العلمو نورون برضو

محمد عبد الغفار said...

مادام قضاء الله لم ينفذ بعد فالمرض والشفاء بالداخل

الملاح التائه said...

ياصباح الفل يابلدياتي
جايز تعليقي لو فكرت اكتب تعليق يكون مش زي ماباتمني
وانا بازعل لو عملت حاجه وطلعت مش زي ماتمنيت
جواكي بذرة كاتبه موهوبه بجد
وده مش جاي من فراغ
أكيد له جزور
وجزور طيبه
جدا
دمتي كما تتمنين
أرق تحياتي

حسام مصطفي إبراهيم said...

على فكرة انتي اسلوبك مالوش حل
بجد مش مجاملة .. واكيد الكلام ممكن يغيرنا .. بعد اذنك عايز اضيف عنوان مدونتك لمدونة بتاعتك .. مش هضيفها غير لما تسمحي لي
وشكرا على زيارتك لمدونتك وآرائك الرقيقة

Hosam Yahia حسام يحى said...

القصه روعه


انت نسيتينى ليه

مدونه صوت الحريه

www.sotelhoria.blogspot.com

مروة جمعة said...

frake_ghost
وعليكم السلام ورحمة الله وبركاته
أشكرك يا مصطفى - إذا كان هذا هو اسمك الذي قرأته عندما رد عليك المدونون- أشكرك حقا ..تعليقك تعليق كاتب مبدع فعلا .. على فكرة في حاجات أنا برضه مش فاهماها بالمناسبة! .. أخجلت تواضعي ..ونورت مدونتي ..ويارب ما تكونش الزيارة الأولى والأخيرة ..تحياتي ..

****************
لماضة : الله يخليكِ يا داكتورة لماضة بجد انت صاحبة واجب يا بت هههههههه .. لا والله مش حقد ..بس ما بحبش حد يستغفلني كمريض ويضحك عليّ .. يااااه ذكريات يا بنتي الله لا يعيدها أبدا .. منورة
****************
صاحب المضيفة : ..وأنا يا أستاذ لا أملك إلا أن أقول لك ..
أشكرك
أشكرك
أشكرك ..جدا
منور المدونة ..
******************
هبة المنصوري : هوبا عندي هنا ..يا مرحبا يا مرحبا ..هههههههه ايوة طبعا انا فاكرة اني كنت بعتهالك ..ربنا يخليكي ليّ ..بجد فيلم في شقة مصر الجديدة!..يا مفاجآتك يا هبة ..تحفة ..- مش محمد خان بقى - طيب أتمنى ان تتعطفي وتتكرمي وتبعتي لي نسخة ههههههه (العلمو نورون والجهلو ظلامون) ..منوراني ..
*******************
محمد عبد الغفار:أشكرك على المرور والتعليق الجميل ..قضاء الله آت لا محالة ..لكن أسأل الله حسن الخاتمة ..آمين
******************
الملاح التائه :صباح الورد يا بلدياتي ..بجد أشكرك على كلامك الجميل الرقيق ..دمت مدونا ومبدعا ..ربنا يخليك

****************
حسام مصطفى إبراهيم : العزيز حسام مصطفى إبراهيم ..هنا؟..يا مراحب ..نورت المدونة واللي قبلها واللي قبل قبلها .. أشكرك يا أستاذي على الإطراء الذي أتمنى أن أستحقه ..يااااخبر ..ده اسمه كلام؟طبعا يكون لي الشرف انك تضيفه ..من غير إذن طبعا..هل تأذن لي في أن أضيف عنوان مدونتك ..هضيفه- إن شاء الله - من غير إذن..بعد إذنك طبعا!.. منور ويارب ما تكونش الزيارة الأولى والأخيرة
*****************
حسام يحيى : شكرا يا حسام جدا ..لا طبعا ما نسيتش صوت الحرية .. انا دخلت حاولت اعلق النت بطيئ لكن موضوع حلو ..تحياتي

عاليا حليم said...

منعوا عني البروتينات واللبن ..فقط اشربي سكريات وستكوني (فل) ..كنت أتطلع لهذا الفل بفارغ الصبر

ههههههههههههههههههه

د انت الى فل يا فل

مشكلة الرعاية الطبية عندنا هنا و فى البرامج يبنولك ان الطبيب المرى ده عبقرى زمانه

بس موسيقى رأفت الهجان برده عاملة شغل و سلامة اختك الصغيرة

mariam said...

ميرو وحشانى جدا
ازيك و ايه اخبارك؟

اقول ايه بس اسلوب السرد عندك جميل جدا بجد
حلو قوى هتكونى فل و انتظرت الفل دى

بطوط said...

روعه
ابداع
روعه

صالح سعيد said...

بصى بقى انا قريت المقال مرتين
ولو عايزه اسمعلك نصه انا موافق
والف سلامه على كراتك البيضاء يا صاحبة القلب الابيض الجميل
والله يا ميرو انتى قوية فعلا
قوية ككاتبه محترفه من الطراز الاول
وصدقينى مش مجامله او مبالغه
ده حقك
تقبلى تحياتى

only spot said...

صباح الورد يا مروه
تعرفى مش المهم اننا يهاجمنا المرض اي كان ولا درجة خطورته او بساطته المهم انه ميكنش سبب شلل لارادتنا الداخليه واصرارنا فى التغلب عليه ومقاومته والتصميم اننا اقويا وكويسين وهنكون فى يوم شئ كويس
ابشع انواع الامراض هى الى بتصيب الروح والنفس وخلاصة ما خرجت به من قصتك القصيره بان مادام الانسان من جواه لسه بيقاوم ويصمم انه سليم وان مناعته قويه رغم كلام الدكاتره بالنقيض يبقى هيقاوم وكل مايقع يرجع يقوم ويلملم روحه من جديد ويقاوم وهى دى حياتنا بالظبط
تحياتى ليكى

Noha El-arabi said...

الله الله ايه يا بت الابداع ده و الدماغ العالية ده
يلا يا مروة بكرة الجرايد هي اللي تجري ورانا
بيس

حسام مصطفي إبراهيم said...

متشكر يا ست مروة هانم على مرورك الكريم على مدونتي .. يا ام الذوق كله .. مستنيكي دايما

حسام يحى (مدونه صوت الحريه)ا said...

hosفينك يا مروه ..فين مواضيعك الجديده
مدونه صوت الحريه

عاليا حليم said...

رجعتى تغيبى ليه تانى يا مروة طمنينا عليكى

مروة جمعة said...

عاليا حليم
مريم
بطوط
صالح سعيد
only spot
نهى العربي
حسام مصطفى إبراهيم
حسام يحيى

بجد أشكركم جدا جدا على رقتكم التي غمرتموني بها وعلى الاطراء الرقيق مثلكم..بجد كنت اتمنى اني ارد رد مفصل لكن النت عندي مش تمام!..أشكر كل من زارني ونورني للمرة الأولى.. بطوط ومريومة والحبوبة نهى العربي..وأشكرك يا عليا يا قمر على كلامك..صدقيني مش بإيدي والله!..صباحكم ورد

علوة said...

متأخرة عارف
بس بجد انا فرحان بمدونتك جدا
وفرحان إني شايف لغة جميلة
في وقت بعاني منه من انصاف المثقفين وكاملي الإدعاء
بجد يا مروة بستمتع لما أقرا لك
الف حمد لله ع السلامة

maha said...

بجد حلوة اوى

رصاصة طـائشة said...

صباح الورد والفل

قريت بأحد التعليقات انو عم يقولو ان جواكي بذرة كاتب
انا والله بقول انها شجرة طارحة كمان ومنو بذرة

ماشاالله عليكي
ابداع
لغة
رمز
سلاسه بلا تعقيدات
معنى بيوصل برقي
ترتيب افكار
وبالآخر فعلا متل ما قالو بردو بالتعليقات حنة ثقافة


اعجابي بمدونتك
مروة هــــــــانم
تحياتي لموهبتك








بــــــــاربي

will said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區