شباك مفتوح



شباك مفتوح






شباك مفتوح..... ا
بلا ستائر ... ا
"إيشاربي" الوردي المعلق على مقبضه، يتماوج مع نسمات الهواء الملقحة بالشوق الغامض!ا

وصوت شادية أميزه بوضوح... ا
ا"واقطف لي من البستان..عقدين حب الرمان.. وتلات وردات إخوات..
أشبكهم ع الفستان!".. ا



شباك مفتوح.... ا

السحاب يعزف "كونشيرتو" المطر، أنفاس قوس القزح الوليد تدفئ برداً قديماً في قلبي توطدت بيني وبينه
العلاقات.. حتى صرت لا أطلب له دفئاً، وأتاني الدفء من حيث لا أحتسب! ا


شباك مفتوح... ا
قفص عصافير لونها "تركواز"- بديعة بحق- على المنضدة..ا
أنظر للصندوق الخشبي- الآمن- الموجود من أجل وضع البيض.. أحس بالبلاهة!ا
أسمع "حسام"- أخي - يستغيث "يا جماعة ما تنسوش تحطوا أكل للعصافير".. ا
.......................................


لن ننسى! ا


شباك مفتوح..... ا

عصفور وعصفورة يقفان على سلك "إيريال التلفزيون" السميك.. يتعاونان معاً في صنع عش هادئ.. يحشران القش عند "مفصلة" الشباك.. يتزحلق القش بسهولة على بلاط الصالة.. أهمس "يا عيني!.. أي أمان التمسوه في هذا المكان؟.. مجرد شباك مفتوح!".. أقوم وألملم القش وأضعه على حافة الشباك عسى أن يفهما أنه من الاجدر بهم البحث عن مكان جديد.. أعرف أماكن كثيرة كانت مساكن للعصافير في منزلنا.. لا أعتقد أنهم سيقتنعون إذا ضفرت لهم القش ووضعته لهم في مكان مناسب.. سيبحثا عن مكان آخر وقش جديد!ا..



عاد العصفوران ومعهما كمية جديدة من القش.. وضعاها فوق الشباك مرة أخرى..
لم أغلق الشباك – ليس لأني سادية أتلذذ بتعذيب العصافير وتنغيص عيشتهم وتكدير صفوهم.. وهييييه نتفرج عليهم وهم زي الهبل.. أبداً!- كنت أخشى أن أغلق باب أمل في وجه فيضان السعادة الذي يلمع في عينيهما "نعم في عيون العصافير!".. كنت أريد أن يكتشفا الأمر بأنفسهما، وحدث فعلاً!ا

رغم ذلك..
لم ينقطعا عن زيارتنا..!ا
------------------------------------------------------


شباكنا ستايره حرير.. شادية
كلمات المبدع : مرسي جميل عزيز،
ألحان: محمد الموجي


Comments

مساءالورد عليكى يامروة

إحساسك جميل بجد والحمد لله إن لسّة فيه بينا ناس كده


وعلى فكرة أنا مش جامعةعين شمس ولا تربية أصلاً
واضح إن إسم محمد صبحى منتشر بغزارة ف البلد

يلا سلام
Marwa Friday said…
مساء الفل عليك يا محمد.. الله يخليك.. بس بجد مش انت محمد صبحي!.. يا رب نفس الاسم وتقريباً نفس السن.. وكمان القاهرة والمنوفية كمان.. إيه التشابه العجيب ده!.. عموماً أهلاً وسهلاً بك محمداً جديداً:)).. منور
بذرة امل said…
ايه بس الرومانسية والجو الجميل ده
اسم المدونة صباح الورد
والبانر واحدة بتطير
والبوست شباك مفتوح
فعلا حسيستينى اننا فى الربيع
khobayb said…
ربنا يفتح في وجوهنا كل شبابيك الأمل والسعادة

---

عامة الصيف داخل

موسم الشبابيك والبلكونات

---

أسلوب رائع
دمتِ بخير
Anonymous said…
.. من قلب الليل يأتى النهار
.. ومن قلب الظلم تأتى الرحمة
!.. ومن نافذة شباك تأتى السعادة
تحياتى
أحمد فتحى
Noha El-arabi said…
عيني يا عيني علي الرومانسية
ايه يا عم ده
يا بخت العصافير يا مروة
Anonymous said…
صباح العصافير المزقزقه
ايه يابنتي الرومانسيه دي
كلها للعصافير
أراهن دلوقتي بخمساشر جنيه-معلهش أصل الدمايطه بخلا علي الآخر- ان مصر كلها بتحسد العصافير دي
وقريبا جدا ستخرج مظاهره شعبيه يطالب كل من فيها بأحقيته في العصافير


احساسك كان طاغي أوي وواضح أوي أوي
انتي بتكتبي شعر ولا ايه
باين كده أصلا من كلامك
اعترفي وبلاش الانكار .. لأنه مش هيفيدك

فكرتيني بحبيب قلبي مرسي جميل عزيز

ليس الشعر ماكتبت يدي
لكنه ماتكتب الأهداب
وكأن نزار قباني قد كتبها لمرسي جميل عزيز
فعلا هو مكانش بيكتب بقلمه
العزيز مرسي أكبر من كده بكتيير
الرائع .. العبقري .. الفذ
مش لاقي كلام أقوله عنه
مين ينسي ثلاثيه أم كلثوم التي تزين تاريخها.. ألف ليله وليله ، وسيره الحب ، وفات المعاد
مين ينسي .. شئ من بعيد ، جواب ، نااااار ، في يوم في شهر في سنه ، بتلوموني ليه ، ...... الخ الخ
ده تاريخ لوحده
ومين ينسي ومين يقدر في يوم ينسي شعاع أول شراره حب (أعز الناس) اللي بحبها موووووت
الحاجه الوحيده اللي خايف منها دلوقتي
انك تقوليلي انه من الشرقيه
يلا .. علشان تبقي كملت يامعلمه
أه .. تبقي كملت علي الآخر


لذلك ولكل هذه الأسباب اللي مش قادر أعدها أبدا
فانا ألتمس من سياده الرئيس أن يمنحني الجنسيه الشرقاويه
ويبقي كتر خيره وجزاه الله عني خير الجزاء
لكن .. وحط خمسين خط تحنها .. انا مش هقدر أسيب دمياط .. أمي .. اللي نيها جوه دمي .. اللي لوني اللي مش قمحي من فضله خيرها
يارب .. يامسهل .. ياكريم .. ياباسط.. رسيني علي حل



مش عايز أرغي كتير
ولو اني بحبه أوي
بس أعمل ايه بقي



كان معكم الرغاي
أحمد سلامه
وفي عالم المخلوقات والتأمل
يرقى الإحساس كهذا الرقي


تحايا
Empress appy said…
تصدقى بجد حسيت بنسمه هوا وانا بشوف الكلام
ايه الرقه دى بجد
انتى عارفه انى بحب اغنيه شاديه دى موت
يا صباح الرقه يا قمر
Anonymous said…
لسة بتقدري تشوفي العصافير
لا وكمان عايزة تحافظي على فيضان السعادة في عيونهم

قد كدة الرومانسية عبء
ايه الرقة والرومانسية دى كلها
وعصافير وهوا وزقزقة كمان
احساس جميل
والزقازيق مندية جميلة انا كنت عندكم
يو م الجمعة يعنى امبارح
واهلها كمان طيبين
تحياتى
خالد
اصرار غير عادى للبناء

وبعد المحاولة وبعد ما اخذا بالاسباب

انطلقا لمكان اخر يبحثا عن مأوى


لكن المأوى الاصلى كان اولى واجدر ان يحاولا


حتى لو علما مسبقا فشل المحاولة
مروة يا جميلة

يمكن بقالي كتيييييييييييييير ما دخلتش بس الدنيا والشغل والدراسة وخداني حتى من نفسي

البوست جمييل ورقيق وكمان أغنية شادية أكثر من رائعة
ياشبابيكك ياكبيررره

فنانه
Ghada , Rofayda said…
تفضلوا باثراء مدونتنا الجديدة بارئكم وافكاركم الجيدة
يخرب بيت الجمال .. ايه الحلاوه دى يا مروة .. لا والله شديده عجبتنى موز ..
Anonymous said…
جميلة يا مروة ...وصلتيلى احساس شتوى جميل بحبة جدا ومشتاق لة
حنة said…
حلوة قوي يا مروة
بيعجبني ذوقك في اختيار الاغاني
مميزة وليها طعم
Ghada , Rofayda said…
السلام عليكم و رحمه الله و بركاته

مشاركه لذيذه مروه :) جزاك الله خيرا عليها

العصافير اثبتت ذكاؤها و الحمد لله
عقبال بني ادم :)

جزاك الله خيرا يا مروه علي المشاركه في مدونتنا
آيــة said…
كلهم قالولك قد ايه انتي و مدونتك و البوست في منتهى الرقة و الرقي .. أقول ايه أنا يعني ؟؟؟؟؟

دمت طيبة و راقية:))

تقبلي تحياتي و مروري الأول
*سمر* said…
صباح الفل ...
كلامك جميل ويبعث فى نفسى التفاؤل دائما ...
دمتى بخير :)
ميرو
صباح الفلل
ايه الرومانسيه دى يا ميرو
لا بجد جميله
كعادتك يا بلدياتى
واعملى حسابك بعد متخلصى امتحانات انتى معانا فى راجل وست ستات وعالم سمسم
الامتحانات وهتخلص وملكيش حجه
ونحن فى انتظارك يا ميرو
صباح الورد
wael said…
عارفه يامروه بجد كلامك يوصف بأنه كلام تحسي انه ناعم يداعب المشاعر بهدوء ويحسسك بنسيم هواء لطيف
بجد استمتعت وانا بقرا البوست الجميل بتاعك
اشكرك
حلوه أوى الدنيا اللى بتشتى نجوم واحنا لسه ف عز الصبح
صبح الورد
وأوعى تقفلى الشباك أبداً
رومانسيه تودى ف داهيه بس هو ده اللى عندنا بقى وإن كان عاجب

عارفه
أنا من يومين صورت يمامة كانت معششة ف المنور
سمحتلى من ذوقها أصورها وأزعجها بفلاش الكاميرا السخيف
حسيتها بتقول
طب مانا كده كده قاعده مش ورايا مشاوير النهارده يلا خليها تاخد صورتين من نفسها

وبرضه الأسبوع اللى فات
داخله المكتب أول واحده لقيتهم ناسيين الشبابيك مفتوحة وحمامة رائعة الجمال تجمع مابين درجات البنى والرمادى مستقرة على مكتب زميلة ليا
بس طبعاً على ماحطيت حاجتى بهدوووء وحاولت أطلع الموبايل وأصورها اكتشفت حيلتى الدنيئة وأخذت ترفرف بجناحيها فى هستيريا إلى أن خرجت م الشباك الألوميتال الذى ترك مفتوحاً سهواً

النهارده بقى
انتهزت فرصة إنى انفردت بالشباك فى حين أنفض الجميع كلُ فى ملكوته وعملت سيشن تصوير لتشكيلات السحاب
شويه وألاقيلك عصفور داخل يتجول فى المكان
برضه خدتله كام صورة خلسة
واحدة منهم طالعة سيلويت ينفع لوحة والله

عايزاكى تروقى كده
وربنا فعلاً جميل وكريم
وإن كانت المنغصات متوفرة م الظروف والبشر المحيطين بينا أكيد ف ايدينا نتمتع بجمال ربانى صاااافى ومفيش حد ضافله أى رتوش كذب أو نفاق أو رخامه لمجرد الرخامة وإتعاس البشرية
Anonymous said…
جميلة كتابتك جدا
وان شاء الله العصافير تظل على شباككم
وتعمل جو حلو:)
Anonymous said…
bsra7a awl mara 7d yklmni 3n el3safer :)
bs ra2e3 l2et elpost 7anon w 5fef w feh shwy mn 2lbk :) wade7 enk 7sasa marwa :P
ANYWAY elpost 3jbni :D
go on..
Unknown said…
صباح الرقة و العندليبيات و الجمال و الأحاسيس الجميلة و صوت بنت مصر شادية فى واحدة من أروع أغانيها

و بقالى كير يا حبيبى ، يا حبيبى بقالى كتير

ربنا يسامحك ع الصبح
ههههههههههههه

فكرتينى بيمامة ساكنة على حرف الشباك بتاعنا و باضتت كمان عليه مهما اخبط الشباك و انا بفتحه ما تخاش منى و لا تجرى و سايبى البيض بتاعها و برتجع ليه تانى

سبحان الله طائناته كلها بتحس ما عادا البنى ادمين

هههههههههههههههه
ابو على said…
يا سلام ع الاحساس العالى بجد
ربنا يديم عليكى من نعمته وفضله
Marwa Friday said…
بذرة أمل : منورة يا نسمة معلش هي يظهر شوطة رومانسية هههههه ربنا يخليكِ


خبيب: آمين يارب آمين.. فعلاً الصيف هجم فعلاً:).. شكراً جداً ربنا يكرمك

أحمد فتحي: المذيع المناضل كلماتك حلوة وكلها أمل ..منور المدونة يا فندم.. كيف حالك؟

نهى العربي: عيني يا عيني ع الإسماعيلية!.. والله يا بنتي ده العادي بتاعي زي ما أنتِ عارفة ههههههه منورة يا قمر وربنا معانا في الإمتحانات


أحمد سلامة : فين الخمستاشر جنيه يا دمياطي!.. كلامك جميل جداً عن مرسي جميل عزيز- هييييه شرقاوي شرقاوي ومن الزقازيق كمان !- ياعم انت شرقاوي الروح ولا يهمك بس كده.. بس عيب تطلب من الريس تنضم للشرقية طيب اطلب المنوفية!.. مش رغاي ولا حاجة اكتب ونور المدونة صباحك ورد


النجمة الصامدة: أشكرك جداً يا جميلة على المرور والكلام الجميل.. تحياتي


آبي: أكيد يا قمر انتِ رقيقة عشان حسيتي بالرقة.. ربنا يكرمك ويعزك.. شادية دي عسل، منورة


مصطفى السيد سمير: آه يا دكتور لسه والله باشوفهم.. :)) مش عبء ولا حاجة ما أجدع أن تكون رومانسياً على حبة واقعي برضه!ا


همس الأحباب: أهلا وسهلاً يا خالد بيه.. الزقازيق كانت منورة طبعاً، ربنا يخليك.. وشكراً على كلامك الرقيق ما نتحرمش :))ا

الطائر الحزين: فعلاً اصرار غير عادي بالمرة.. وياريت البني آدمين يتعلموا!ا منور يا طائر
:)

عصفور طل من الشباك: صباح الفل يا رحاب يا جميلة وأنا كمان والله مقصرة معاكِ ومع المدونين كلهم ظروف برضه.. ربنا يخليكِ يا رقيقة و يوفقك في دراستك وشغلك


د/أجدع بنوتة: يا صباح الورد والشرقية والزقازيق وفاقوس وكفر صقر وكل الشرقية :)).. أخجلتي تواضعي يا بنوتتي الجميلة


غادة ورفيدة:علم ونُفذ يا زهرتا الشرقية .. وجزاكما الله خيراَ.. عقبال البني آدمين على رأيك يا رورو:))ا


أسامة أمين:ربنا يخليك ويبارك فيك.. منور المدونة مووووز برضه "أحلى من موووت مش كده!"ا

يوسف : الله يكرمك يا يوسف.. هو ده وقت شتا برضه؟

حنة: ربنا يكرمك يا حنة.. من بعض ما عندكم :)ا


آية مش هنا: ربنا يخليكِ يا أيوية.. كلكم ناس جدعة وجميلة.. منوراني للمرة الأولى ويارب ماتكون الأخيرة

سمر: سمورة ربنا يخليكِ.. أتمنى فعلاً أن أنثر ذرات التفاؤل حولك دائماً آمين يارب.. منورة يا سكرة

صالح سعيد: بلدياتي العزيز.. مبروك لأخيك وعقبالك يا باشا:).. بجد ربنا يسهل ويقدم ما فيه الخير قول إن شاء الله .. ربنا يخليك على كلامك الرقيق.. وصباح الفلل "جمع فلة ولا فيلا؟"هههههه


وائل: العفو العفو.. :):).. ربنا يكرمك أخجلت تواضعي يا وائل.. أنا التي أشكرك على الزيارة وأنا مقصرة معاكم :)).. صباحك ورد..


هبة المنصوري: فيونكتي الخضراء الرقيقة !.. عارفة يا هوبا بعد ما كتبت البوست ده جه في بالي ايه؟.. جه كلامك عن رومانسيتنا اللي هتودينا في داهية!.. بس والله حلوة ولطيفة وجميلة خلي الواحد يعمل ريفريش وريستارت كده!.. أمتعتيني بالصور الكميلة يا فنانة.. شوف الطيور واتعلم على رأيك.. بجد سأترك الشباك والباب مفتوحيييين وفعلاً لازال هناك جمال رباني الواحد يستمتع بيه.. بالمناسبة أحب قراءة تعليقاتك جداً وأحس انها تنفع تدوينة جميلة :)) ا


بهاء: ربنا يخليك ، أشكرك على زيارتك أولاً وعلى دعوتك الجميلة ثانياً وصباح الزقازيييق "مش عاصمة الشرقية جمع زقزقة!"ا


عاصف: أشكرك جداً يا عاصف.. ربنا يخليك ياااه أول مرة حد يكلمك عن العصافير جديدة دي!.. كويس ان البوست طلع حلو:).. آه طبعاً حاسة جداً.. دول عصافير يا عاصف.. أرق الطيور اللي في الدنيا:).. صباحك ورد


عاليا حليم: يا صباح العندليب والجمال يا لولو.. بجد شادية باحبها جداً في الغنوة دي بالذات.. لا طبعاً إزاي أكيد لسه في بني آدمين بيحسوا هههههههه سلامي لليمامة "اليمام كمان من الطيور الرقيقة جداً جداً".. صباحك ورد


أبو علي : ربنا يكرمك ويعزك.. آمين يارب العالمين.. منور المدونة يا أبا عليّ.. ا

Popular posts from this blog

وما الدنيا إلا فرن كبير!ا

من الزقازيق لمصر الجديدة! ا

سنة أولى ابتدائي