فرعون الفاضل










اضحك للدنيا الجميلة التي رحلت ..أول مرة أشهد لحظة ميلاد اسمي صغنونا وببنط منمنم وبرئ كانت اضحك للدنيا ..أول مرة أدخل جرنال حقيقى ..كانت اضحك للدنيا ..بعدين أتكلم عن اضحك براحتي ..بس دي كانت مقالة من مقالاتي في اضحك "القراء الغلابه ّ!" كانت في العيد الصغير آخر 2005 والله أيام ..لن أنسى تعليق محمد فاروق عليها عندما كنت في القاهرة ..أهلااااااا! فرحت جدا برسمة مخلوف ليها ..راجل فرعون ماشي مع اتنين ببدل سودا زى الغوريلات اللي موطنهم الأصلي سويسرا...! ..عبقري يا مخلوف والله ..بس زعلت لما الفقرتين بتوع الوطني اتحذفوا ..مافي مشكل ..أهى الحدوتة ..ياااه فين أيامك يا كتابه ؟




************************************************


فرعون الفاضل...معقول؟! .....ا





طبعا حضراتكم مستغربين من العنوان وطبعا انا تماما مثلكم لكن هذه هى القسمه والنصيب ..كيف؟اقولكم اليوم بعد الافطار فوجئت بأخى "حسام" الطالب بالصف الثانى الثانوى الصناعي يحكى لنا عن مدرس دخل لهم احتياطى ،واخذ يحكى لهم عن فرعون باشا ..-بعد اذنكم هسرح بيكم شويه- فرعون ياجماعة ملك مصر لم يكن مصرى ..كان يمنى هربان من اليمن!"اللى هو حسب معلوماتى ابن رمسيس الثانى" وبعد ما هرب من اليمن جاء لمصر فوجد ابن الملك يغرق فى ترعه فأنقذه ,طبعا الملك عنده دم فجعله وزيرا ....المهم اخى قال لى ان الطلبه المشاغبين جلسوا وكأن على رؤسهم الطير ..واستمر المدرس يحكى لهم قائلا "العيد داخل يا عيال وانتم ما عندكوش دم عايزين من والدكم هدوم جديده وكل واحد منكم عنده اربع خمس غيارات حرااام ..عارفين فرعون ؟؟؟ سيدنا موسى سأل ربنا ليه ما خسفتش الارض بفرعون؟ فقال ربنا ماخسفهاش عشان تلات حاجات ...1 - فرعون كان بيحافظ على النعمة كان لما يجى ياكل عيش - لا أعرف هل كل بزلط ولا لأ اعذرونى لقلة الوثائق والمادة التاريخية - المهم كان بيفرش جلابيته "فرعون كان راجل فلاح"عشان يحافظ على العيش ويلم اللى يقع وتانى حاجه كان بيحافظ على هدومه وتالت حاجه امه كانت عاجزه وبعدين كان بيحميها لا مؤاخذه يا جماعة وبعدين كان بيعلقها ف السقف عشان النمل ما يتلمش عليها .." يمكن بدل توشيبا منظر برضه " بعد ذلك استغل المدرس ان الطلبه قسم كمبيوتر فقال لهم انا جبت المعلومات دى من على الكمبيوتر ...المشكلة الحقيقيه ان الطلبه تلات ارباعهم فلاحين غلابه ولا يوجد تدريب عملى ..وكل واحد همه يخدم ابوه فى الارض وما الى ذلك....المدرس استمر فى السرح بالطلبة ولا داعى لاكثر من ذلك...طبعا ذم فرعون ايضا ..لكن المدح كان له نصيب كبير مما يجعلنا نسأل ....من الحزب المسئول عن وجود هذا المدرس صاحب المعلومات الجهنميه؟...طبعا يا جماعة آآخر حزب تفكروا فيه أصلا الحزب الوطنى .. أما ما أذكره عن واقعه أخرى والمدرس يحكى لنا عن فرعون قال سهوا "سيدنا فرعون" لااعرف ما هى حكاية فرعون أصلا ...ربنا يسترها علينا جميعا .......صحيح التعليم -لا مؤاخذه -أمن قومى ..وأمن دوله ..على فكره يا جماعة حد معاه ايميل فرعون ينوبه ثواب فيا ..فى الأيام المفترجه....؟


Comments

هههههههههههههههههههههه

هو التعليم باظ من شويه

ايه ده يا ربي

هي وصلت لكده

فرعون بقي سيدنا

ده مدرس

ومعندوش حتي ادني ثقافه دينيه

بلاش ثقافه دينيه

فرعون و متنيل مرسوم علي كل حته في مصر

و ال ايه يمني

من العبيط ده

عايز اضربه بجد

ده خساره فيه يعيش اساسا

تحياتي
هااااااااااي مروة
بوست يجنن بجد

إلا هو الأستاذ المدرس الفاضل ما قالش لأخوك الكلام ده على أنهي موقع بالضبط عشان نستفيد
هااااهااا

ياشيخة احمدي ربنا إنه ما قالوش الشيخ فرعون صاحب فتوى إن التحنيط حلااااااااال

يا ناس التعليم رااااااح خلاص
وما عدش راجع تاني

بس زي العسل يامرمر
ياريت نبقى أصحاب

وياريت تشرفيني على مدونتي وتقوليلي رأيك

وحياة سيدك فرعون بيه

بااااااااي
Diala said…
برافو مروة بوست مهضوم و هادف

مودتي
Reemo said…
ده بجد ده

هو الجيل طالع مثقف من شويه
:)))

والله العظيم دى بقت مهزله

اذا كان المدرس كده امال الطلبه هتبقى شكلها ايه

اذا كان رب البيت بالدف ضارب فشيمه اهل البيت هى الرقص

بجد البوست عجبنى جدا

تحياتى
Diyaa' said…
مروة ..بحب أوي أسلوبك الساخر وأوعدك أول ما أجيب كمبيوتر أشيل الكلام ده كله عندي عشان ميضيعش ..يوم ما تحبي تعمليهم كتاب أنا تحت أمرك
نيجي لسيده فرعون الفاضل
هو تقريباً نقل منه الكلام ده لما قعد الواد علي حجره في ماتش برشلونه
ما أنتي متعرفيش فرعون متطور أد إيه ..عنده آلة زمن ..وصل بيها الزمن بتاعنا وعمل لنفسه ماسك زي مبارك ومسك الحكم ومن ساعتها مش عارف يقلعه
الماسك ..مش الحكم
المهم شكراً للبوست الفريش ده
أثبتلي إن شر البلية ما يضحك

تحياتشي يا أختشي ...وشكراً أوي لأنك أحسن مني وبتسألي رغم إنك المفروض بتذاكري

يلا سلام عليكم
منة الله said…
التعليم امن دولة

حقيقي مش مبالغة

شوفي اللينك ده كده

http://elgarhy.blogspot.com/2007/05/blog-post_05.html
يعنى الواقعه دى حصلت بالفعل؟
يعنى انا ماى برازر بيتعرض للحاجات دى
وممكن يكون مبيقولناش
ويصدق؟
عادى بقى
يالهوى؟
انا بجد مش مصدقه فى ناس كده
هو انا مقرتش الكلام ده ليه فى اضحك؟
يمكن عدد انا مجبتوش :d
اول مره ادخل مدونتك يا مروة
بس شكلها لذيذه وهدخلها تانى
وتالت
ورابع
ويمكن خامس
:d
تحياتى يا سكر
Marwa Friday said…
صباح الورد جميعا
•«ρяoιd»•™... :أشكرك جدا لتنويرك المدونة المتواضعة ..والله حصل ..تصدق افتكروا اخويا بيشتغلني والله ..ماعلينا المهم منور

لو كنت أعلم : ماقالش للأسف ..يمكن على كورنيش الترعة؟
فرعون بقى بيطلع فتاوي ؟...هههه منورة يا قمر ويارب نكون صحاب

ديالا : متشكرة جدا يا زهرة لبنان ..

ريمو:منورة يا ريمو يا قمر ..اذا كان رب البيت بالدف ضارب فشيمة أهل البيت ...عوالم !..على رأي محمد فاروق

ضياء :أى خدعة ياعم برشلوني ! راخره الماتش بتاع الاهلي الفرعوني نزلت عليه لعنة الفراعنة يا اخي هههههه صباح الورد !

منة الله :أشكرك على مرورك ..انتى مالكيش مدونة يابنتي ؟.

شيماء الجيزي :أشكرك يا شاي يا جميلة ،والله حصل بالفعل يا ستي ..شر البلية مايضحك فعلا ..شكرا يا سكر ..
أنا بشكر الصدفه السعيده اللى خلتني أشوف مدونتك يا مروة ، قابلت الإسم فى مدونة شيماء الجيزي وطبعا أنا فاكر الإسم ومش هانساه من ايام الدستور
بس قولت ممكن تكون مش هي
لكن لما شوفت المدونة قولت هي طبعا
إشطااات
.....
بالنسبة لفرعون أفندي وسرحة البية المدرس بالعيال الغلابه أحب أقولك انه راجل متربي ومابتجريش على لسانه الفاظ مش لطيفه قدام الطلبه السزج عشان كده مدح الراجل رغم علمه باللى عمله مش أصول برضه على ابن الشرقيه الكريم العنصرين واليدين انه يكرم فرعون أفندي ولو قدام الطلبه ويقول فى حقه بؤين حلوين
.....
تحياتي لتلك الدربكه
وإشطات تانى مرة على رأى كساب
مروة ... فكرتيني بالذي ..مضى !! ، أعتقد علقت عندك قبل كده ، واتكلمت عن ذكرياتي البسيييييييطـة قوووووي مع اضحك للدنـيـا ، ولكن التي لن تنسى بسهولة
.
.
.
موضوعـك لظييييظ جدًا ...طبعًا



تحيااااااااتي ، وياريت تنشري كل اللي كتبتيه هناك !!

., أنا مثـلاً ، للأسف ، لا أحتفظ بشيء منه !!!

تحياااااااتي
مساء الخيرات
مروة دى اول مرة لى هنا بس انشاء الله موش الاخيرة بوست رائع جدا ، انا لو منك اروح المدرسه وادور على المدرس دا واهزقه بجد فكرى فى الموضوع دا لانه هايسمم افكار طلبه تانيه كتير ، اللى زى دا مش لازم يعيش ليوم التلات :(

اهنيكى على مدونتك الجميله وياريت تزورى مدونتى المتواضعه .

محمد فوزى
Marwa Friday said…
صباح الورد جميعا ..جميعا
الملاح التائه :أشكرك كثيرا ياملاح على مرورك ..طبعا فرعون راجل تيب وعثل واى حاجة ..بس ربنا يكرمك بلاش إشطاط على رأي كساب ..كفاية علينا قشطة واحدة ..!.تحياتي ..


إبراهيم ..معايا :أشكرك كثيرا يا ابراهيم ..انت كنت بتكتب في اضحك ؟..ياااه اضحك دي كلنا لنا ذكريات لذيذة معاها ..للأسف مش محتفظة بكله بس هحاول اشوف اللى اتنشر ..صباحك ورد ..

أنا من أهوى ومن أهوى أنا : أجيبه منين ده يا محمد يا فوزي ..مش انت برضه القائل ذهب الليل وطلع الفجر ؟ يظهر ولا ليل ذهب ولا فجر طلع لسه ..أشكرك كثيرا وأعدك بالمرور على مدونتك ..
منة الله said…
مروة

ليا .. بس البروفايل بتاعي مش مأكتفاه

http://6ef.blogspot.com/
سندباد said…
فعلا البلد دي ياما شايلة
حسبي الله ونعم الوكيل
يارب صبرنا
علي فكرة لو فرعون كان سمع الأستاذ اللي قال عليه سيدنا كان أمر بتعذيبه عذابا شديدا ليكون عبرة لكل من تسول له نفسه ويقول "سيدنا" لمن يعتبر نفسه إله!!
تحياتي لك ولكتاباتك الموحية ، وتواصل لا ينقطع ان شاء الله فما بدأته المدونات لا تنهيه الحجات :)

أحمد حربية
أولا وصلني السلام الجميل يا حبيبتي
والله نفسي أتعلرف عليك يا مروة ياريت ترتبي مع هبة وتيجوا القاهرة يوم

ثانيا فرعون لقب كبير وأصبح يعني الطاغية المفتري أي حاجة كده لدرجة إننا جعلنا منه فعل
تفرعن يتفرعن تفرعناً
ويقال يا فرعون مين فرعنك فال ما لقتش ايه؟ حد يلمني

بوست جامد ويلا ربنا يزيح كل فرعون
Marwa Friday said…
صباح الورد ..آسفة لتأخير الرد..معلش امتحانات ..! ا
منة :دخلت مدونتك ..جميلة ..هعلق عندك ان شاء الله ..ادعي لي بس ! ا

سندباد: هي شايلة وبس ؟ فعلا ربنا يصبرنا

أحمد حربية وسيد تركي : شكرا جزيلا لك يا أحمد ..كتابتك في الدستور جميلة وبرضه عم سيد..منور وأشكرك للمرور ..ادعوا لى بس اخلص من الامتحانات ..

عصفور طل من الشباك :شكرا يارورو يا جميلة ربنا يخليكي ..يارب زيح كل الفراعين اللى على رؤوس العباد متسلطنين ..آآمين
Anonymous said…
طول عمر فرعون بيتقالوا سيدنا.. يعني يا مروة مجيتيش الا على المدرس الغلبان.. وبعدين متخافيش على النشء بتاعنا لأنه أصلا متظبط على سيدنا فرعون دي من وهوا في اللفة.. وبعدين لما يجيي كاتب صحفي يألف كتاب يسميه رجال حول"...." وطبعا انتي تعلافي كتاب رجال حول الرسول.. وكمان لما نفس الصحفي يألف كتاب "قال فصدق" مش عاوزة الراجل يقول سيدنا.. دا يقول سيدنا وكمان يقول صدق فرعون صلى..... واللا ايه رأيك؟؟؟؟؟
Anonymous said…
طول عمر فرعون بيتقالوا سيدنا.. يعني يا مروة مجيتيش الا على المدرس الغلبان.. وبعدين متخافيش على النشء بتاعنا لأنه أصلا متظبط على سيدنا فرعون دي من وهوا في اللفة.. وبعدين لما يجيي كاتب صحفي يألف كتاب يسميه رجال حول"...." وطبعا انتي تعرفي كتاب رجال حول الرسول.. وكمان لما نفس الصحفي يألف كتاب "قال فصدق" مش عاوزة الراجل يقول سيدنا.. دا يقول سيدنا وكمان يقول صدق فرعون صلى..... واللا ايه رأيك؟؟؟؟؟

Popular posts from this blog

وما الدنيا إلا فرن كبير!ا

من الزقازيق لمصر الجديدة! ا

سنة أولى ابتدائي