Tuesday, October 23, 2007

أول تاج ..أحمدك يا رب! ا

أول تاج ..أحمدك يارب !ا




الجميلة "منة الله" أهدتني هذا التاج المميز الذي لفت نظري فعلا ..لأنه بعيدا عن الأسئلة الشخصية السطحية كما قالت هي ..وأنا طبعا فرحانة بيه جدا لأنه أول تاج وصلني ..الله أكبر ..أحمدك يارب ..!،كان نفسي في تاج وصلني اثنين- هلبسهم فوق بعض ..طمع بقى!- ..الآخر رقيق من الرقيقة عاليا حليم وطبعا من عينيا يا عاليا ..بس بالترتيب !..إلى التاج ..

في حوار بين اثنين من المفكرين العرب .. نقد احدهما الاخر قائلا .. " انه يحاورني بعقلية خطيب جمعة "جملة تحمل في طياتها نقدا .. او قُل تقليلا من فكر هؤلاء الخطباء .. فما رايك فيما يقدمه الخطباء لنا من فكر - ان جاز تسميته كذلك

والله عندما يكون لدينا خطباء جمعة مثل المرحوم "العز ابن عبد السلام "،الذي لم يكن يخشى في الحق لومة لائم- وهو عالم دين خلده التاريخ - ..وعندما يختفي الشيخ الموظف الذي يرى إن خطبة الجمعة والصلاة أكل عيش "وأهو نواية تسند الزير !"..وعندما يكون الدين لإصلاح المجتمع والنهوض به وليس آداة رخيصة تستخدمها السياسة "الإنتخابات ..والمشاركات ..والبتنجانات!"..عندما يبتعد خطباء الجمعة عن الحديث عن المرأة بشكل مستفز- يعني كأن الدنيا تمحورت حول مشاكل الستات "الخاصة بالجنس"!- ..مثلما ذكر المرحوم شهيد حريق مسرح بني سويف "د.مدحت أبو بكر"في مقال له عن شيخ جامع حاول أن ينفر المصلين من منظر المرأة حتى يغضوا أبصارهم .."تخيل أنها تبوول ..تخيل أنها ...إلخ !"..أو خطيب جمعة آخر يصف في المرأة ساعة حتى يبين فظاعة ملبس البنات ..حسبي الله ونعم الوكيل ..!..هناك تعمد واضح من وزارة الأوقاف بتثبيت من ليس لهم علاقة بالخطابة أساسا ..يعني طالما سيقول كلمتين منقوشين ومحفوظين تمام يافندم ..وسأسأل سؤال برئ ..عمرك رأيت خطيب جمعة بالبركة ..ياللا أكل عيش .. وفصل من الجامع؟..أبدا ..لو خطيب جمعة مضبوط وعالم لا يستغل علمه لمنصب أوجاه يتحول إلى ارهابي ..إذن من العادي جدا أن تضرب بعقلية خطيب الجمعة المثل ..! ا


قال الشافعي " رأيي صواب يحتمل الخطأ ورأي غيري خطأ يحتمل الصواب" فهل تنطبق هذه القاعدة على الدين .. هل ترى ان الدين الذي تؤمن به هو الدين الحق و ربما يكون الاخرون على حق ايضا فيما يؤمنون به من اديان .. ام ان دينك الحق و سواه باطل ؟

الله ..هذا القول المأثور للإمام الجليل الشافعي من أجمل ما قرأته وماحفظته من أقوال مأثورة ..مسألة الدين شائكة- ممكن يقولوا إني بعمل فتنة طائفية!- .. أنا فعلا أرى أني على حق ..لكن لن أصادر حرية الآخر في الإيمان بما يصدقه ويعتقده ..حتى لو كان خاطئا من وجهة نظري ..فهو الدنيا والآخرة بالنسبة له ،وإذا انتقلت الى الساحة النفسية للآخر ودخلت في أفكاره سأجد انه يرى ديني "الذي أؤمن به" باطلا لكنه قد يكون مؤمنا بأن لي مطلق الحرية في الإيمان بما أصدقه ..يعني رأيي صواب وإعتقادي صواب يحتمل الخطأ من وجهة نظر الآخر ورأي غيري خطأ من وجهة نظري ..لكنه صائب ويؤمن به من وجهة نظره ..إذن أرى أن الآخرين على حق من وجهة نظرهم ..وأنا كذلك على حق فيما اعتقده من وجهة نظري ..ولن أقل لهم إن أديانهم باطلة ..لأنها واضحة ..أنا أرى أن دينهم مثلا باطلا من وجهة نظري .."وإلا كنت إعتنقته "..وهم كذلك يرون أن ديني باطلا "وإلا كانوا اعتنقوه"..وأنا ملزمة باحترام وجهة نظرهم طالما لم يحاربوني ولم يجادلوني جدلا عقيما ..فلا إكراه في الدين ..ومن حقهم عليّ أن أحترم معتقداتهم ،كما أن من حقي عليهم احترامي وقبولي كما أنا ..وبعدين إيه السؤال الغريب ده يا منة؟..ماهو مش عايز القصة دي كلها! ا

الكثيرون اليوم .. سواء من العرب او الغرب.. يتجهون الى نقد التدين .. يصفقون الى الاعمال الادبية التي تتصادم مع الدين و يصفونها بالابداعية .. خصوصا .. مع تزايد اعمال العنف في شتى بقاع لارض و التي ترتكب باسم الدين .. و في المقابل يهاجم علماء الدين هذه الافكار.. بدعوى ان الاديان ما وجدت لخنق الحريات .. بل يتجاوزون ذلك للقول بان الدين هو مصدر الحرية .. لكنها تبقى كلمات .. هل التقيت بنفسك بشخص متدين و حر في افكاره .. هل حاولت ان تكون ذلك الشخص .. لكي تبطل تلك النظرية

شخص متدين وحر في أفكاره ..نعم رأيت والتقيت ..وأتمنى أن أكن هذه الشخصية ..أحاول ولو أني أعتقد أني في حاجة إلى تقويم حتى أصل إلى تلك المرحلة الجميلة ..على فكرة هي ليست نظرية .. هي كل يمشي بمزاجه ! ا

25 comments:

e7na said...

مش هأناقش الاجابات
لانى سعيد جدا ان مش انا الوحيد اللى بيكره التاجات وكمان سعيد بفكرة الاسئله الجديه الجديده

الفكره جميله
وشرف ليا انى اكون اول معلق

فيونكه said...

التاج عليكى شيك أوى يامرمر.. ده ولا تاج الملكه فريده.. ولو إن انتى حلوه من غير تيجان
إجاباتك ع الأسئلة بتحسسنى إنه لقاء مع كاتبه ومفكره كبيره مش مرمر البنت الصغنتوته اللى شفتها

a Dreamer with feet on the Floor said...

U have answered for Important and serious questions ..and U said very well..U have the right attitude( as I believe)..I wish U all the best..ya sharqawia..

ra7eel said...

فعلا تاج اسئلة بجد حلوة قوى
وردودك كانت احلى واحلى
ياقمر

بذرة امل said...

السلام عليكم ورحمة الله وبركاته
مش تقوليلى انك عندك مدونة من زمان
مدونتك لذيذة وارائها جريئة
وموضوعك جميل جدا
وفعلا احنا يمكن مش شايفين رجل الدين اللى عنده رأى حر نابع عن تفكيره بس صدقينى هما موجودين فعلا بس عددهم قليل

muslemah said...

السلام عليكم ورحمه الله ازيك مرمر انابحيكي اوي علي مدونتك الشيقة بجد وانا مش مندهشه من براعه كتابتك رغم صغر سنك مثل بعض قرائك لاني عارفة مهارتك وابداعتك الجميله من زمان كل تقدري و تحياتي لكي وفعلا مصر ولادة
علي فكرة عشان ما تحتاريش انا زينب اسوان سلامي الحار لكي ولاهل الشرقيه ابقي زوري مدونتي مرمر

muslemah said...

www.thefreedomearth.blogspot.com

الأستاذ said...

الحمد لله
مبروك التاج
وعقبال مليون تاج إن شاء الله
تحياتي

عاليا حليم said...

أسألتك غالب عليها التلقائية ممزوجة بالتفكير


فى انتظار التاج بتاعى
تحياتى

مصطفى السيد سمير said...

اهم حاجة انه فعلا فيه اسئلة مختلفة ومش سطحية
بس الاجابات شائكة فعلا
ادى اخرة اللي بيقرا الدستور
لك تحيتي

Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

•«ρяoιd»•™ said...

فرحانه بالتاج

ربنا يكترهملك

و يبعدهم عني

تحياتي

كفراوى said...

اية التاج الجهبذولى دة


كل تاج و انتى طيبة

هيثم الغيتاوى said...

عندى ايمان شخصى - غير ايمان اختى يعنى - انى ممكن اخد انطباعى عن شخص معين من خلال سطور كتبها ؛ اغانى سمعها ؛ حدوتة حكاها ومشهد له طريقه فى وصفه
!!!!
عايزايه يعنى ؟؟
عايز اقول انتى حد جدير بالاحترام قوى
مع انى معرفش عنك غير اسمك اللى لسه فاكره من ايا ما كنت باقرا الدستور زمااااااان ؛ لفت نظرى اسمك لسببين ؛ الاول انك من الزقازيق يعنى بلدياتى فقريت كلمتين لقيت نفسى اتسحبت وكملت وبقيت اتابع كلامك كل مرة الى ان حدث فى الامور امور - على سيرة خالد البلشى - لو انتى معايا ع الخط يعنى - - لو فى الياهو كنت حطيت صورة وجه بيغمز بعينه ههههههه == المهم يعنى مبقتش اقرا الدستور ولا لابراهيم ورفاقه غير فى المناسبات
والنهارده بس وقعت مدونتك عندى صدفه بحته ؛ اول ما قريت الاسم حسيت انى اعرفه ركزت شويه لقيت الشرقيه وزقازيق كمان تبقى هيه يااااااه الله يمسيكى بالخير يا فلانه
فكرتينى بالدستور وايام السذاجه والمراهقه السياسيه والصحفيه ؛؛ اسف على التعبير لو قلت .. وحشتينى ؛ والمعنى فى بطن المدون طبعا ؛ لانى اقصد وحشتنى ايام فاتت كنت فيها ساذج جدا اوقعه حظه العثر خلف الكواليس ليرى قبح الحقيقه ومرارتها ؛ ليشعر بصدمته فى تماثيل ابطاله ؛ اييييييييييه دوونياااااااااا ؛ فرصه سعيده يا مروة وان شاء الله نعزم القطر سوا هههههههههه

؛ هيثم الغيتاوى
واحد من الناس

احساس لسه حى said...

عزيزتى
طبعا تاج مختلف وبسيط ومهم
الخطاباء زى كل الناس ساعات بيغلطوا او يقولوا كلام مش مظبوط ومش لازم نعمم كلام سمعناه من خطيب ونسيب عشره غيره كويسين
واكيد الشافعى قال كده علشان فى ناس بيتشبسوا بارئهم بمنتهى الغباء والعناد والتكبر وكلنا صعب نكون دايمن صح ومستحيل نكون غلط على طول
اه نقد التدين وكانه جريمه مع ان الدين اهم شئ للانسان فى دنيته لان الدين فيه حياة الخلود
تحياتى يا افندم
سلام

محمد جمعه said...

نعم صدقت يا رسول الله الخير فى وفى أمتى الى يوم الدين

انا مش عارف اقول ايه
الظاهره ان الشرقيه كلها تدون

فعلا مدونه متميزه

جزيتم يا اهل الشرقية الجنة

الربان said...

تحياتي

مبروك التاج....ان شاء الله يكون تاج للقلوب و منار للفكر المستنير....

معذرة... التعميم غير مطلوب بل مرفوض..
ليس كل خطباء المساجد متحجرين الفكر او متعصبين لرأي ... هناك الكثيرين ممن
تشعر براحة كبيرة لسماعهم حتي و إن أطالوا...

خطباء المساجد مثلهم كمثل أي شريحة اخري بالمجتمع.... منهم من شرح الله صدرة
ووسع مداركه فيتقبل الحوار و يفند الافكار...و منهم من هم دون ذلك..

تحياتي و احترامي

عاليا حليم said...

فينك يا مروة وحشتينا

مروة جمعة said...

وحشتوني جدا

إحنا :وأنا أيضا سعيدا بذلك !..الشرف لينا يا عم أحمد!ا

فيونكة : هبة الجميلة ..إزيك يا قمر ..كعادتك شيك في كلامك وفي كل حاجة ..صغنتوتة!..ماشي يا هوبا ..بحب قوي كلمة مرمر منك ..الله يكرمك.

a Dreamer with feet on the Floor

متشكرة جدا يا فندم ..يا شرقاوي ..منور المدونة ..ربنا يكرمك


رحيل : الله يكرمك يا سارة يا جميلة ..متشكرة


بذرة أمل : وعليكم السلام ورحمة الله وبركاته ..يا أهلا بالزميلة العزيزة ..زميلة وصديقة الكفاح المسلح (انت فاهمة قصدي!)..معاك حق ..هم فعلا موجودين بس قليلين ..ربنا يكتر منهم :) ا

مسلمة: يا ريحة الحبايب ..يا أسوان ..يا زينب وزيزي وأجمل بنت في أسوان ..بجد بجد منورة المدونة ..فرحانة بيك جدا..أخيرا يا زينب!..الله يكرمك على كلامك الرقيق ..وسلامي لأهل أسوان وإسنا نفر نفر!ا


الأستاذ:الله يبارك في عمرك يا أستاذ ..متشكرة جدا ..خالص..قوي!ا

عاليا حليم : صباح العندليب..انت كمان واحشاني جدا..بجد يا عاليا انا كنت في حالة كده والحمد لله بحاول اخرج منها متشكرة على كلامك وعلى فكرة التاج بتاعك مع الاسف لقيت انه رمضاني!..بس ولا يهمك هيروح مني فين وراه وراه ..هيتلبس هيتلبس!ا


مصطفى السيد سمير :يا سلام يا مصطفى باشا وآخرة اللي بيكتب قصائد حلوة في (الدستور) بيحصل له ايه؟..منور دائما وأشكرك على رأيك

أحمد الصباغ : لك خالص الشكر والتقدير ..مع الأسف العالم ليس بحاجة لأن يتذكر ..بل نحن في حاجة لأن نصحو!ا

•«ρяoιd»•™
أعوذ بالله يا أخي من الحسد والحقد بتاعك ده !..أيوه ربنا يكترهم ويسلطهم عليك هههههه ..منور

كفراوي :أشكرك للمرور ..وانت طيب يا فندم


هيثم الغيتاوي :أسعدني تعليقك ..رجعت لي أيام كنت أنتظر فيها صدور الدستور على أحر من كوالح الذرة وعربيات الفيشار والبطاطا!..بجد أشكرك لأنك قرأت لي في يوم من الأيام الخوالي ولا زلت تذكر كتابتي البائسة ..إن شاء الله نعزم القطر يا شرقاوي يا بلديات!..وسلم لي على أختك إيمان ..:) على فكرة منور!ا

إحساس لسه حي : أشكر يا فندم وأتفق معك فيما قلت ..ومنور المدونة ..أقرأ تعليقاتك في المدونات الأخرى وتعجبني جدا ..أشكرك مرة أخرى


محمد جمعة : الله يكرمك يا أستاذ محمد ..ربنا يستجيب منك آمين ..أشكرك على الزيارة ..منور

الربان : أشكرك على المرور ..أنا لم أعمم بل أتفق مع ما طرحته من وجهة نظر جديرة بالإحترام ..مش كل خطباء المساجد منافقين طبعا ..تحياتي وتقديري :) ا

خبيب said...

كلام جميل

لكن صراحة ، حاسس إنك مجاوبتيش بصراحة على السؤال التاني ؟

تعتقدي إنه دينك صواب "يحتمل" الخطأ ؟
ودينه خطأ "يحتمل" الصواب ؟

ولا صواب مطلق وخطأ مطلق ؟

مروة جمعة said...

خبيب : منور .حدثتني بذرة أمل عن مدونتك
بص ..من ناحية خطأ مطلق وصواب مطلق هقول لك على حاجة
أنا مقتنعة ان ديني طبعا صواب مطلق ..مطلق كمان ..دي عقيدة يا ناااس!..لكن مافيش مانع احترم اختيارات الآخرين حتى لو هم على خطأ من وجهة نظري ..أتمنى تكون وجهة النظر وضحت ..تحياتي لك ولمدوني الشرقية ..عمار يا شرقية! ا

عاليا حليم said...

أزيك يا مروة عاملة ايه
انا جيت بس اطمن عليكى ادعيلى يا مروة انا داخلة محاولة مهمة اليومين دول ادعيلى نبقى زمايل

هو انتى عملتى مدونة جديدة ؟

wael said...

ردود هايله ماشاء الله اكتر من رائعه

مروة جمعة said...

عاليا حليم : صباح العندليب يا جميلة ..ربنا يوفقك ويسدد خطاك ..يارب نبقى زمايل ده شئ يسعدني طبعا ..
marwa_friday@yahoo.com
ده بريدي الالكتروني ..تنوريني يا جميل ..أشكرك على السؤال ..


وائل : ياااه ..إزيك يا دكتور وائل ..متشكرة جدا لتعليقك ولزيارتك ..صباح الورد

will said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區