إلى حبيبي على طريق السيراميك ...! ا
إلى حبيبي على طريق السيراميك ..! ا
السماء تمطر حنينا وأشواقا ..تبلل طريق السيراميك الممتد بين قلبى وقلبك ..أنا فى حيرة ..أخاف من التزحلق ..أخاف تنكسر كده رجلى ..تنفتح رأسى كالبطيخة "طبعا قرعة "وفوق كل هذا تنكسر روحى ..كل ما يسعدنى الآن هو أن أراك ..بحمارك الأبيض المزدان بشريطين من الحرير الأحمر ..كم يغيظنى حمارك الوسيم ..! ها أنا أراك حائرا مثلى وأكثر منى ..كم أتمنى أن أطمئن عليك ..هل فطرت سندويتش الفول المسوس من عند عم محسوب ؟..ولا يهمك يا حبيبى مسيرها تتعدل ...هل لا زلت تعلق شهادة تخرجك "الليسانس" ببروازها الخشبى الأنيق على رقبة حمارك ؟أعرف انها فخر لك بعد أن تم تعيينك عضوا جديد فى البلدية بشهادتك الاعدادية ...يا سلام كم كانت بلادنا فى أمس الحاجة لعقول مستنيره وقلوب رقيقه مثل قلبك الذهبى ..لحل أزمة تسليك مجارى "الوطن"..لا لا ..لا أحب ان أرى نظرة الخجل فى عينيك ..أنت فى مهمة وطنيه ...هل يسعدنى الحظ مرة أخرى لأراك؟ أذكر أنه بعد تعيينك فوجئت بانسداد بالوعة الشارع ..هل كان نحسا ؟..لا أؤمن بهذا ..انها فرصة نادرة لاراك جنديا فى عملك..كنت رائعا كما كنت أتخيلك دائما ..رائعا ببدلة الغوص التى أجرتها ..كم هى غاليه ..وماله كله يهون عشان صحتك ياروح الروح ..وماذا عن المواصلات ؟..أعرف انك متشعلق ليل نهار فى الميكروباصات والبنات المضروبات على أعينهن يتفنن فى معاكستك .......معلش بكره نحقق أحلامنا الحلوه ونجيب العربيه الشيك .."الكارو ..أم شخاليل ترن ترن ...تهز القلب الحزيين..وحبه حبه يكبر المشروع وتبقى حنطور الكترونى "العربيه مش أنت يا حبيبى"لكنى لازلت أهاب طريق السيراميك الممتد بين قلبينا ..أليس له علاقة بالبلدية؟..غريبه ..غريبه جدا ..طريق السيراميك يكتسى بالسندس الأخضر وزهور الربيع ..وغدير عذب أرى صورتك ببدلة الغوص تتلألأ على صفحته الفضيه فتزيدها بهاءا ..أرهف السمع ..صوت الماء يطربنى ..ماهذا ؟..انه صوت أخى ..أفقت من تأملاتى على صوته "البلاعة طفحت قدام البيت بالضبط يااادى النيله "انبهرت ...معقوله ..مش ممكن ..أنا احلم ..طفحت يادى الهنا ...يادى اليوم النادى ..اذن سأراه ..مضيت اكرر كلمة "طفحت " بفرحه عجيبه ...لاحظت أختى الصغرى ذلك فقالت ..هى ايه اللى طفحت... طفحت؟...رديت ببراءه ..."أبدا... أبدا ..دى مشاعرى ...!!ا
_________________________________
مكتوبة من سنه !ا
Comments
منك لله يا زمالك شمت فينا الأعادي ههههههه
يحضرنى قصيده حلمنتيشى كتبتها من سنه برضه
هى القتامه و الرخامه م اللى حواليا
ولا تكونش داخلية؟؟
رد فعل يعنى أو مجرد حالة هستيرية
أحسن تكون طفحت ماسورة الحب و الحنية
طب أروح أجيب جلده للحنفية
ولا اسيبها تسرسب رومانسية
دبرونى يا خلق هوووه
أنشفها ولاأطفح ولا أنقط
نقطه سم و نقطه ميه؟
ربنا يجعل لبطله القصة فى كل خطوة بلاعة طفحة علشان مايغبش عن عنيها
اسلوب مليان امل فى معالجة موقف صعب
بس بجد احييكي عليه متميز وفكره جديده لمناقشه الوضع
تحياتي
عايزة اعرف انتي اهلاوية ولا
زملكاوية
ممكن
ممكن
ممكن
ممكن
وشكرا على الورد والحمار
السلام عليكم
اكلمك صدفه
سامر محمد :منور !ّ سبحان الله هو اللي على راسه بطحة! ههههه والزمالك راجع وبقوة ! ا
هبة المنصوري :يادي النور ..دلدقتي-حلوة دلدقتي دي !- النور على مدونتي والمدونات المجاورة ..ماكنتش اعرف انك شاعرة عبقرية كده!ومن ناحية الجلدة سيبيها ياهبة تسرسب رومانسية ..تك .تك ..والقلب يبقى دوم دوم -ده صوت القلب على فكره!- بعد الشر عليكي يا امورة من السم ..إن شا الله اللي يكرهك ..ربنا يوفقك يا جميل
جدو :..صباح الورد عليك ياجدو محمد يا جميل ..منورني والله ..من ناحية في كل خطوة بلاعة ..هم ألف عين مفتوحين على رأي صلاح جاهين الجميل ...بس حسب التفسير المعاصر فهم عيون مجاري ! ..الله يخليك يافندم ..ويبارك لك في سومة الجميلة ..
بسمة :وعليكم السلام ورحمة الله وبركاته يا بسبوسة! ..أهلاوية زملكاوية الوطن للجميع ! ..بس أنا أهلاوية شفتي ازاي ..أنا اللي بشكرك على مرورك ومنورة
سندباد : منور يا سندباد..فعلا أهم حاجة في الحب الصدق والصراحة ..بس تفتكر المكتوب ده صراحة ..ده صراحة فرع البلدية سيادتك ..هههه ليلتك فل ! ا
بجد تحفه
هي ملايانه مشاعر
لدرجه ان الجهاز عندي طفح
مشاعر
:)
تحياتي
تحياتي
ايه الرومانسيه دي
وحمار ابيض وطفحت
منتهي الرقه يابتني
لابجد البوست لذيذ اوي
رغم انه رومانسي بطريقه غريبه :D
محمود علي :متشكرة جدا ..طبعا التحفة تنويرك للمدونة ..ربنا يكرمك ..ابعت لك البلدية عشان الجهاز ؟..بالتوفيق!ا
مايكل :منور يا مايكل ..متشكرة جدا جدا ..طبعا البوست ولاحاجة بالنسبة لمدونتك ..تحياتي
مي : ميوية الجميلة صباحك ورد ..انت اللي لذيذة ورقيقة ..ورومانسية لأنك شفتيه رومانسي ..تحياتي للمنصورة وبناتها كلهاااااااااا
elmas3ouk&المصعوك :منور! ..أظن مصعوك بالفرانكو آراب ومصعوك بالعربي ..الاتنين واحد! ..إيه ده ..لأ بجد إيه ده ؟! مصيبة لتكونوا فاكرين ده أدب ..طيب انت ماقلتش رأيك ليه بوضوح؟..واضح انه سلبي ..وعلى كل ..إيه ده ..ده انا ماقلتش انه أدب لا قدر الله! ..ههههههه مصيبة! المصيبة تكمن في اسم حضرتك ..حضرتك تقصد مصعوق وليس مصعوك..! دورت عليها في لسان العرب ولم أجدها!..على أي حال نعتز برأيك ..صباحك ورد! ا
غدير عذب
السماء تمطر حنين وأشواق
الحنطور
المجارى
يبدو ان اصداء سيمفونية الحنطور للموسيقار سعد الصغير لم تخفت بعد
بس ليه الطريق الممتد بينكم سيراميك كده الاشواق تتزحلق
ما أجمل أن تتذكر حبيبك حينما تنظر للبالوعه
دمك خفيف
و
أسلوبك جميل جدا
وأول مره اعلق عندك
ياريت تزورى مدونى
يكون لى الشرف
دالواحد بقي بيعلق باثر رجعي
عمتا جميل جداجداجدا
تحياتي
:)
أحمد
بجد :)
تحياتي
هههههههههههههههههههههههههه
بوست لذيذ بجد
الكلمات معبرة عن شريحة من الناس
طفحت والمجارى والكارو
انا قولت لازم يكون الكاتب من الشريحة دى
الشرقية العربية المتحدة قالت كده برضه
انا حسيت ان السيراميك من الارض للسقف زى محلات عصير القصب
خفه دمك ملهاش حل وبهدلتى الراجل وجرستيه
مش عارف هيورللى وشه لزميله فى البلديه ازاى بعد ماعرفوا انه بيروح حتت فيها سيراميك
فتضحتيه ياشخيه
تحياتى
ايه المواضيع التحفة ديه
وبعدين ايه اللى طفخ بس
مشاعرك
والله انتى زى العسل
تحياتى ياقمر على موضوعك وعلى كلامك اللى زى العسل
إحنا : شكرا لمرورك وتشريفك ..زرت مدونتك ..على فكرة كان لسه سعد ما عملش (السيفونية بتاعته) تفتكر اطلب منه حقوق الطبع ؟..تحياتي
******
تامر حسين : منور يا تامر ..زي بعضه بأثر رجعي ..بس المهم انك نورتنا ..الله يكرمك متشكرة
***********
*********
محمد شمس الدين : متشكرة جدا على ذوقك وزيارتك ..حلوة تطفح دي بجد هههههه تحياتي
*************
وائل : صباحك فل ..رومانسية طبعا فول مسوس ..شبه قلوبنا ههههه ..منور ومتشكرة لزيارتك
**************
ممكن :صباحك فل ..الراجل طفش ولم يعد فتح محل عصير ومش سائل فيا ..!..منور ومتشكرة لتعليقك اللذيذ وزيارتك ..
****************
عاشقة الوطن : مش ممكن ! صباحك ورد يا رضوى يا سكرة ..انت فين من زماااان ؟انتي اللي عسل وسكر كمان سكر نباته ! متشكرة لزياااارتك
ههههههههههه
ضحكت اوي في العربيه الكارو ام شخاليل
ههههههههههه
و اركب الحانتور تررن تررن و اتحنطر
و اجيب الجو بتاعي و يحط ايديه في دراعي
ههههههههههههههههههه