Thursday, September 20, 2007

رسالة من تحت الماء ..!ا

رسالة من تحت الماء ! ا


رسالة من تحت الماء .. لماذا الآن ؟..لماذا ترن في أذني موسيقى البديع الجميل محمد الموجي ؟رغم اني لم اسمعها منذ شهور ...لم تكن على بالي أصلا ..المقدمة الموسيقية بحذافيرها ..بلمسات عمر خورشيد على الجيتار ..بل أني أتخيل عبد الحليم وهو يقود الفرقة الموسيقية أمامي!ا
لم يفارقني اللحن ..ولا صوت عبد الحليم وهو يقول "اشتقت اليك فعلمني ألا أشتاق ....علمني كيف تموت الدمعة في الأحداق،علمني كيف يموت الحب وتنتحر الأشواق !"..وهل نحتاج إلى تعليم ياعبد الحليم في هذه الأشياء؟..لا أعتقد ان المسألة صعبة للدرجة ..فنحن منذ فترة 26 أو ماشاء الله 27 سنة ..نغني لأشياء كثيرة " اشتقت اليك فعلمني ألا أشتاق.."فهذا
الشوق حرام ..نهايته جهنم وبئس المصير ..!..هناك أشياء نمت معنا بالفطرة ..فلسنا بحاجة الآن لمعرفة طريقة لوأد الدمع في مهده ،لأن كل مايمر علينا كفيل بتسطيح مشاعرنا .."مين مات النهارده..أم شرشيرة في طريق نويبع ..أبو سيد وهو بيتبرع بالدم ..هاني وقع عليه قالب طوب ..إلخ ..إلخ ".."وفلان عذبوه وفلان انتحر من العذاب .."و"من الأراضي المحتلة ..استشهاد فلان ..وفي العراق مقتل فلان وفلان .."لا أدري ما علاقة كل هذا بالأغنية؟- لعله ذلك اللقاء المهبب- المهيب أقصد!-.. فنحن الآن في عرض البحر الميت المتوسط كشعب ،وقد جمعتنا أقدارنا في هذه العبارة الضخمة للقاء بسيادة الرئيس الذي طلب أن يجمع الشعب كله في عبارة ضخمة أسطورية- ربع الشعب في المعتقلات بالمناسبة!- ،أمام باخرة فاخرة يستقلها في عرض البحر في مواجهة العبارة ..طبعا كله أمان ..تم تفتيشنا وفحصنا ..بل واجبارنا على ارتداء ملابس آمنة خوفا من أن يرتدي بعض الجماهير ملابس تنفجر وتشتعل ذاتيا!.. العائلات موزعة في العبارة بالتساوي ..وهناك ميكروفون كبير ينقل لباخرة الرئيس صوت الشعب ..يفتتح الرئيس الجلسه قائلا "مواطنيّ الأعزاء ..إنني أشعر بالفخر لأني استطعت جمعكم في تلك اللحظة التاريخية ..البلد الآن صارت جاهزة لصفقة الإيجار التي تعرفون مدى مصلحتها للوطن ،لن يستمر الإيجار أكثر من ساعتين ..وأحسست أنها فرصة للحديث معكم يا (مواطنيّ) الأعزاء ..لأول مرة أحس بالعذاب .."انتم مش بتنظموا الأسرة ليه؟!"..يتدخل وزير الصحة من على الباخرة"يافندم ..يتربوا في عزك"..يضحك الرئيس بروقان شديد "أيوه في عزي .."ثم يستأنف في طيبة .."ياجماعة أنا عايز أسمعكم ..فضفضولي .."..تقدم مواطن طاعن في السن قائلا "يا ريس يا ابني ،هسألك سؤال ، لما الواحد يلبس جلابيه عدم المؤاخذة وتبهت وتبقى ملزقه عليه من البلاوي السوده لا هو عارف يستحمى ولا طايل يخلعها لانه خايف يعيش بقية عمره عريان ..أكتر من 20 سنة لازقه على جتته يعمل إيه ده؟!" ..يتأثر الرئيس قائلا "أمرت بدولاب جلاليب للمواطن العريان ..سنة الحياة التغيير!"..تنهال طلبات المواطنين ..والتي يستجيب لها الرئيس ...ثم يأتي فاصل الحفل ،والذي يصر فيه المواطنين على أن يغنوا ..يتقدم قائد الفرقة الموسيقية قائلا "هي أغنية وطنية لعبد الحليم حافظ يافندم"يبتسم الرئيس قائلا "طبعا ياجمال يا حبيب الملايين..ماشين في طريقك ماشيين"..يجيب قائد الفرقة الموسيقية بالنفي ..يضحك الرئيس ضحكة ذات مغزى قائلا "اممم ..طيب سمعوني "...تبدأ الفرقة في عزف مقدمة محمد الموجي لرسالة من تحت الماء ..يندهش الحضور ..عندما يبدأ الشعب في الغناء بأصوات بعضها عذب وأغلبها منفر "إن كنت حبيبي ساعدني كي أرحل عنك "..أحد الخريجين تدخل "أرحل عنك إلى أستراليا..ايطاليا ..أي حاجة آخرها (آليا!)"..يقف المايسترو موبخا "مش في الغنوة ..متأسف جدا يا جماعة"..يقف ضباط الأمن على أهبة الاستعداد ..يستأنف الشعب الغناء "لو أني أعرف خاتمتي ما كنت بدأت .."يخرج واحدا من كورال الجامعة قائلا"واخترناك اخترناك .."يتعصب المايسترو "إيه ..هو نزار خرف؟!"في تلك اللحظة كانت القوارب الصغيرة تحاصر العبارة ،تحسبا لمد ثوري من الشعب ..ينتقل أحد أعضاء الفرقة إلى الكوبليه الأخير "الموج الأزرق في عينيك ..يناديني نحو الأعمق "..هنا يتدخل وزير الفنون والثقافة .."المنافقين بيغنوا لحد تاني من دولة دخيلة..الريس عينيه عسلية"..في هذه اللحظة يتلقى وزيرا المالية والإستثمار اتصالا من الشركة المؤجرة مفاده أن مدة الإيجار قد تطول قليلا ..ربما لأيام ،يعلم الرئيس بالأمر فيظل مفكرا ..لكن وزير الداخلية –كالعادة – يعمل دون استشارة ،فأمر رجاله بإغراق العبارة – وهو اجراء كانوا مستعدين له – أحس البعض أثناء اندماجهم في الغناء بغرق العبارة "فقال بعضهم ..الحقوا..احنا بنغرق بجد "واستمر بعض الذين لم يحسوا بالكارثة في الغناء"إني أتنفس تحت الماء..إني أغرق!"ضحك الرئيس قائلا "معجزة حكاية التنفس تحت الماء دي ..هنستعين بيكم في السياحة في شرم الشيخ!"..ومع الأسف بعد تعب وزارة الداخلية ،اتضح أن بعض العسكر كانوا أغبياء ،لأنهم تركوا للشعب حرية الصعود بعوامات عليها علم البلد ..وبالتالي امتلأ عرض البحر بالأعلام ..مما دفع كاميرات التلفزيون لتدارك المصيبة ،حيث صعد ذلك المذيع الشهير قائلا .."والآن ..انه تشجيع الرئيس على الرياضة من منطلق تربوي وديني ..خير دعاية للبلد ،الأعلام شكلها هايل ،الله عليك ياريس وعلى ابتسامة التشجيع ..هي دي بلدنا والتاريخ والحضارة ..!"..هنا وقف الرئيس مسرورا وشاعرا بالبطولة .. ملوحا للجماهير العائمة ..فقال له أحد خلصائه في حسرة مصطنعة "مافيش تغيير مع الأسف ..هتحكمهم ببلاهتهم وعبطهم تاني ..الصبر من عندك يارب!" ا


ملحوظة ..الكلام ده مش في 2007..2050 مثلا!سيريالية جدا ..!اعترف !ا





35 comments:

yasmine said...

ايه يامروة انتى بقي خيالك واسع شوية اليومين دول بس فين العبارة اللى تكفى الشعب ده كله

yasmine said...

اه نسيت
حلو موضوع عمو فؤاد فى بص وطل شكله خد وقت كبير منك
هو طويل بس ممتع

مروة جمعة said...

صباح الف يا سمسمة ..تصدقي انت بنت حلال !..والله العظيم كنت هلغي البوست دلوقتي ..قلت اتسحر وأأجله ..أعدله ..أحط في الدرافت ..انما يتنشر لا ..ده خيالي جدا جدا!العبارة اللي تاخد الشعب ممكن تتعمل عادي ..ماهو مش الشعب كله هيركب ..في معتقلين ..أمري لله مش هلغيه عشان حضرتك علقتي:( ..هه ..انت بتلحقي في الأول كده!..أنا حزينة حزينة اني هسيبه ..أمري لله ..أستاهل واستحمل الهجوم!..وبالنسبة لموضوع عمو فؤاد ..أشكرك ياجميل على متابعتك ..وشكرا على رأيك :)..ياللا دعواتك ..انا عارفه كتبته امتى ده!ا معلش تتعدل

محمود علي said...


ههههههههههههههههههههههههه


جامده موووووووووووووت

والله استاذه يا مروة
البوست جامد

ساره طوبار said...

جميل جدا يامروه انا عجبنى قوى السطور الاخيره ياسبحان الله يبقى مغرقهم وفجأة يتحول لبطل هكذا فعلا هو الاعلام المصرى . لاء ومفيش تغير للاسف هتحكمهم ببلاهتهم وعبطهم تانى .
لاء فعلا الصبر من عندك يارب
على فكره انتى اللى كنتى منوره الدستور ياقمر

yasmine said...

طيب كويس حظى حلو انك خليته هو حلو اوى على فكرة
بس انا مش فاهمة انتى عايزة تلغيه ليه وايه الهجوم اللى هتاخديه عادى ولايهمك
والله موضوع انى ببقي فى الاول عادة صدفة جميلة
بس برضه مش فاهمة انتى مضايقة من البوست اوى كده ليه

انا من اهوى ومن اهوى انا said...

مروة :

ايه الجمال دا تحفه بجد انا سرحت معاكى وقعدت اضحك انتى موظفه الاغنيه تماااااااااااااااااام على الحدوته دى مع انها مش حدوته اوى يعنى هى حقيقه بس اسلوبك هزلى وجميل جداااااا انتى بجد كاتبه ساخرة ليكى مستقبل انشاء الله
تحياتى
محمد فوزى
وكل سنه وكلنا طيبين و رمضـــــــان كريــــــــم .

micheal said...

البوست جامد بجد يا مروه....سيبيه بس أنتي في حاله
:)
تحياتي لكي

علوة said...

يعني لو لقوا عبارة بالحجم ده الشعب هيركب ؟
ولو الشعب ركب .. هيغني ؟
لو غنى ودي أكتر حاجة منطقية في البوست احنا هنغني معاهم ؟

الأهم هو رئيس الجمهورية أياميها سليم سحاب ولا ايه ؟

بوست صح

صباح الفل

e7na said...

الله على السيرياليه

lamada said...

الله الله الله
ايه ده بجد جاااااااامد
انا كنت قاعده بصقف فى اخر الاغنيه
حلو قوى يا مروه

الأستاذ said...

لنا الله من بعد أن غرقت مصر كلها في هذه العبارة ... كل عام وأنتم بخير

مواطن زهقان said...

بجد بوست رائع يامروة
بس الصورة دى مش بتاعة حفلة رسالةمن تحت الماء
وفى حاجة فى مدونتى مستنياكى
ضرورى

rainbow said...

مرمرصباحك جلاش بالعسل
انتى بجد كاتبه مش مشروع كاتبه
انا سعيده جدا بيكى وبمخك اللى شغال ده حتى لو غرقتينا فى عبارة او طياره مش مهم .. المهم انك جمعتينا سوا نتفرج على حكمة السيد الرئيش !!! حتى من تحت الماااء
احنا لازم نستغل فتره رمضان ونكثف الدعاء يمكن ربنا ينقذنا من الحوسه اللى بقينا فيها دى
اتمنالك كل تقدم ونجاح
كل سنه وانتى اجمل واروع
هدى عبد القادر

حسن مشالي said...

كل عام ولنت بخير

مدونة جميلة
والبوست مميز جدا
سعدت بقراءته

تحياتى وتقديرى

مصطفى السيد سمير said...

ايه حكاية التدوين دي
انا من ساعة ماابتديت فيه لقيتني دخلت عالم جديد ساحر وجميل جمال مايتصدقش
فعلا كانت تجربة مهمة وحقيقية
شكرا يا مروة انتي وكل الحقيقيين

fanan fa2eer said...

علي فكرة طريقة سردك جميلة جدا

وخيالك أجمل

أنا قريت كام بوست عجبوني ويظهر اني مش هابطل آجي هنا

ويظهر برده كل الشرقاوية موهوبين
طبعا مش بلدياتي؟
:))

تحياتي يامروة

قلب الأسد said...

مع إن مافيش حد هاجمك .. أهاجم أنا مرة بقى من نفسي .. فعلا الموضوع فيه مبالغة زيادة و بما إنك عارفة إننا بنفكر زي بعض ( و في نفس الوقت ) أكيد هتفهمي قصدي .. بعد كده إبقوا إكتبوا البوستات كويس .. و بلاش الفجعة دي !! سحور إيه ؟

بحر الحياه said...
This comment has been removed by the author.
بحر الحياه said...

بصراحه يا مروه البوست رائع وكمان موضوع العباره نوع من انواع الخيال المقبوله مازل اسلوبك اكثر من رائع وبيتطور
محمود فاوى

mariam said...

ازيك يا ميرو
صباح الفل
ده اولا يعنى

معلش يعنى انا مش هركب
الا لما اعرف الأول ممدوح اسماعيل له دعوه بالليله دى؟
بس انتى متأكده ان ده سنة 2050
عندى احساس انه شغال حاليا

تحياتى

عاليا حليم said...

ده احلى بوست كتبتيه ما فيش كلالالالالالالالالالالالالام ... قولى باه مين يشهد للعروسة
شرفينى بالزيارة ضرورى

لو كنت أعلم said...

يالهويييييييييي

هتودينا فداهية
عموماً
أنا حاجزة داهية معاك صف أول ماشي

باي
ألحق دروس السباحة عشان نبقى نتصرف

sendbad said...

خيال
ومحدش فينا يقدر يعيش من غير خال واحينا بيكون الخيال هو المنفذ الوحيد اللي ممكن ندخل منه علشان نرتاح
تحياتي

Mustafa Şenalp said...

çok güzel bir site.

علوة said...

جرى ايه يا حجة منار

م هي م الأول قايلة انها سيريالية جدا

هجومك جه في العارضة

صباح الفل عليكوا انتوا الجوز

طلال فيصل said...

اول مرة ازور مدونتك..الاقى كخيال واسع قوى كدة
هههههههههههه
يلا حصل خير
بجد الموضوع حلو..وكفاية انك فكرتينا بالأغنية الحلو دى

يا مراكبي said...

ههههه

فكرة جديدة والله .. وفيها فانتازيا من العالية قوي

بس أنا عجبني أكتر موضوع سندريللا والشبب .. حسيت فيه برومانسية عاليه وبالذات لما هربتي في عربية الخضار

:-D

بالتوفيق .. بس خدي بالك المدونات متراقبة

مروة جمعة said...

محمود علي :صباح الورد يا محمود ..يااااه أستاذة مرة واحدة ..واضح انها تخاريف صيام!..شكرا شكرا ربنا يخليك ..ههههههههه بس خلاص!ا

سارة طوبار :صباح الفل يا قمر ..ماشي بقى جدك الرائع نصر الدين طوبار ولا تقوليش؟..عموما هو ده الإعلام المصري على رأيك ..شوية مذيعات ..وميكروفونات صفيح ودمتم ! منورة يا جميل

ياسمين :ماشي يا قمر ..تراجعت وتركت التدوينة عشان ماتزعليش ..منوره يا جميلة :)

أنا من أهوى ومن أهوى أنا : أشكرك يا محمد كثيرا ،والله كله من ذوقك ..أشكرك وربنا يعطينا ويعطيك ..منور ..:)وكل سنة وانت طيب ..الله أكرم

مايكل : ماشي يا مايكل ..أسيب مين بقى في حالة انت ماقلتليش يعني؟!هاهاها ..تحياتي لك!منور طبعا!ا

علوة:صباح الفل ياعلي ..إيه ياعم احنا كده كده هنركب ..عشان امشي جنب الحيطة ..ماتجيش دبانة عليك "ده مثل شعبي!"هههههه ..لا مش سليم سحاب ..دي كانت الفرقة الماسية بتاعة أحمد فؤاد حسن واللي كان بيغني عليها عبد الحليم!..وبالنسبة لردك على رورو قلب الأسد ..خليها أووف سايد وعشان منار سكرة هحسبهالها زي بعضه جووول! منور وصباح الفل تاني :)

إحنا :الله على زيارتك ..منور!ا

مروة جمعة said...

لماضة :أهلا وسهلا ياللي اسمك عزيز عليّ ..اشكرك على التصقيف ..كان فيه مخبر وراكي على فكرة مراقبك!ا

الأستاذ : شكرا على مرورك وتقبل الله دعاءك ..يارب

مواطن زهقان : منور يا أحمد ..دي صورة اغنية جباااار عارفه ..ان شاء الله اشوف جديدك ..معلش مقصرة :) تحياتي

قوس قزح : هدهد القمر صباح الجيلاتي والعسل والمكسرات عليكي انت اللي جميلة وشايفاني كويسة عشان جمالك ..الله يخليكي ويكرمك ..وفعلا ليس امامنا الا الدعاء ..ربنا يبارك لنا فيهم ..عشان دول أولي الأمر هاااهاهاهاااا! تحياتي وشكرا تاني يا قمر ومبروك مدونتك :))

حسن مشالي :شكرا يا حسن ..الله يكرمك ..انا ايضا سعدت بزيارتك ..تحياتي

مصطفى السيد سمير :العفو يا مصطفى الله يكرمك ..المهم انك ما تغيرش رأيك في عالم التدوين بعد كده ..تحياتي :) ا

فنان فقير : أشكرك يا بلديات ..الله يخليك ..طبعا الشرقية وكل محافظاتنا المصرية حلوة ..مش تعصب لمحافظتنا طبعا ..بس أنا فعلا مرتبطة بالشرقية فكريا وروحيا ومعنويا ..جذوري بقى ! تحياتي ..

قلب الأسد :صباح الفل يا ريتشارد ..أوووه اقصد منار ..نقدك مقبول وفي محله طبعا انا اقدر اقول كلمة يا جميل ..وبعدين عاجبك آديني نمت يومين من غير سحور ينفع؟..ماشي خليها عليّ ..سلام يا جميل

مروة جمعة said...

بحر الحياة :أشكرك جدا يا أستاذ محمود ،ومنور المدونة ..صباح الورد

مريم : أهلا يا مريومة..بحب اسمك جدا على فكرة ..امم هو مش 2050 بالضبط ..بس ده لأسباب رقابيه :)) تحياتي يا جميلة

عاليا حليم : صباح العندليب يا عاليا ..شفت خالد الصاوي النهارده في الدراما افتكرتك !..الله يخليكي ..طبعا مش عمو عبد الحليم هو المايسترو ؟ تحياتي وان شاء الله هفوت عليكي:)) ا

لو كنت أعلم : صباح العسل يا دكتورة ..إزيك يا جميل ..داهية واحده مش كفاية وبعدين يا عسولة فيه عوامات ..خلي الفلوس لكورسات الآي سي دي إل!..تحياتي يا جميلة وكل سنة وانت طيبة :) ا

سندباد :فعلا هو حد يقدر يعيش من غير خيال ..كان زماننا من زمان انتهينا ..شكرا لزيارنك ..تحياتي

Mustafa Şenalp :Thank you for visiting my blog ,but please ...I do not understand what did you say?Thanks again

طلال فيصل : يا أهلا بشاعر المعلقات الحديثة!..أنا متابعه شغلك يا دكتور منذ زمن ..معلش فعلا هو خيال واسع شوية ..

مروة جمعة said...

طلال فيصل: أشكرك جدا ..ومنتظرين دواوينك التي تعارض فيها عمنا المتنبي ..إن شاء الله يا دكتور!ا

يا مراكبي : يااااه ! معقولة؟ منور والله ..كل سنة وحضرتك طيب ..أشكرك على المرور..والله بالنسبة لحكاية مراقبة المدونات ..فأحب أقول اننا مبسوطين جدا والشعب نايم على حرير ويبحث عن خيشة ينام عيها ليستعد ذكرياته مع الفقر ..عااااشت الحكومة والنظام وكل حاجة ..وعلى رأي واحد ..فليسقط ..يسقط ..المطر شتاءا! ..تحياتي:)) ا

aliwa said...

موضوع هايل زى ما عودتينا دايما يا مروه بس نهايه دراماتيكيه حزينه تعيسه مش علشان غرقنا لا طبعا ده اقل حاجه نقدمها للبلد انا بتكلم عن النهايه التانيه انه لسه هيفضل يحكمنا حتى واحنا غرقانين

محمد الشواف said...

عاجبني الموضوع ده اوي يا مروة لدرجة اني كل ما ابقى عاوز اعلق عليه احتار اقول ايه على العموم الموضوع ده بجد جميل اوي وخليكي في الخيال العيشة ما بقاش فيها حاجة تسر عشان نفضل عايشين في الواقع
محمد الشواف

Radwa Lotfy..(Rodirock) said...

بجد مقالة حلوة اوى يا مروة وأحلى حاجة فيها اختيارك للكلمات...بس فعلا الراجل عينيه عسلية يا رجالة ....هههههههه